Agro

Proxecto Amorodo from zcminhoca on Vimeo.

ORGANOPONICO! An Agricultural Revolution from Puddle Pictures on Vimeo.

Os I Premios Fundación Biodversidad de lideranza, inovación e comunicación ambiental, dirixidos “a emprendedores e profisionais do ámbito rural e pesqueiro como a comunicadores e criadores”, veñen de ser resolvidos e entre os gañadores atópase a empresa galega Algamar, especializada na recolla, secaxe e transformación de algas para alimentación humana, que foi recoñecida pola Fundación Biodiversidad na categoría Emprendedores.

A Tira, proxecto colectivo de cultivo agroecolóxico para o autoconsumo en Candeán (Vigo) organiza as xornadas “Experiencias de Hortas Urbanas. Cooperativas agroecolóxicas de produción, distribución e consumo”, falarán:

• Sábado 20 de Decembro ás 20:00 horas
  Sonia Campo (Bajo el Asfalto está la Huerta, Madrid)
  Lugar: LS. A Cova dos Ratos. Rúa Romil 3, Vigo.
• Venres 26 de Decembro ás 20:30 horas
  Daniel V. Merens de (Hortigas, Granada)
  Jas (Crestas y Lechugas, Sevilla)
  Lugar: L.S. Faísca. Rúa Toledo 9, Calvario (tras a igrexa dos picos) Vigo.

A Cooperativa de Consumo Responsábel A Xoaninha comezou un proceso de procura de terras agrícolas próximas a Ferrol aptas para a agricultura ecolóxica. O obxectivo é ampliar e complementar a oferta de horta local existente, para atinxir un consumo máis ecoloxicamente sustentábel, ademais de avanzar na autosuficiencia e, xa que logo, soberanía alimentar.

As terras deben ter unha extensión duns 6 ou 7 ferrados (uns 3.000 m2) e ser aptas para a agricultura ecolóxica. A Xoaninha non aceita cesións gratuítas e oferece polo uso da terra o mesmo prezo que ten fixado a Consellaría de Medio Rural para o BanTeGal (Banco de Terras de Galiza). A cooperativa encarregarase da inscrición no CRAEGA. A cesión deberá ser por un mínimo de 5 anos.

Unha nova organización para cambiar as políticas agrícolas europeas a partir do recoñecemento médico

O proceso iniciado pola Coordenadora Labrega Europea (CPE) e a COAG culminou 27 de Xuño na presentación pública da Coordenadora Europea Vía Campesina en presenza de Josep Puxeu, o Secretario de Estado español de Medio Rural e Auga.

A Coordenadora Europea Vía Campesina agrupa as organizacións reunidas antes na CPE e numerosas organizacións campesiñas e de traballadores agrícolas de Dinamarca, Suíza, Italia, Países Baixos, España, Grecia, Malta e Turquía.

O obxectivo principal desta organización é a loita por outras políticas agrícolas e alimentares máis lexítimas, máis xustas, máis solidarias e máis sustentábeis que son necesarias en Europa para responder aos desafíos de seguridade alimentar, de saúde pública, de emprego no medio rural e para enfrontar a crise global dos prezos alimentares e do cambio climático.

No camiño a Oruro, polo altiplano boliviano, atopei unha familia corcorvadas as costas, escaravellando papas. As papas que recollen hoxe, engurradas e pequenas, sécanas de forma que se poidan conservar varios anos, asegurándose así unha parte importante da súa alimentación. Aproveitando o clima por dúas ou tres noites ó aire libre conxelan as papas, despois písanas e vólvenas conxelar para, ó final, deixalas que sequen ó sol. A papa así deshidratada ou chuño de orixe precolombiana, tamén se pode conservar en forma de fariña, o que hoxe, chamariamos -orgullosos dos nosos avances- saquiños instantáneos para puré de patacas.