Algamar premiada pola Fundación Biodiversidad

Os I Premios Fundación Biodversidad de lideranza, inovación e comunicación ambiental, dirixidos “a emprendedores e profisionais do ámbito rural e pesqueiro como a comunicadores e criadores”, veñen de ser resolvidos e entre os gañadores atópase a empresa galega Algamar, especializada na recolla, secaxe e transformación de algas para alimentación humana, que foi recoñecida pola Fundación Biodiversidad na categoría Emprendedores.

Na categoría Inovación en Acción a galardoada foi Riet Vell, iniciativa de produción ecolóxica de arroz no Delta do Ebro posteriormente ampliada á pasta de trigo duro (Belchite) e ao viño (Somontano) tamén de produción biolóxica. Mentres que a gañadora de Mulleres no Meio Rural e Pesqueiro foi María Alfonso Hernández, da adega familiar ecolóxica Nuntia Vini, criadora do viño Volvoreta, polo seu proxecto de viñedo sustentábel e vida saudábel en Sanzoles, Zamora.

Ademais destes, houbo premios de fotografía, reportaxe escrita, reportaxe de radio e tv, documental e curtametraxe así como criación literaria.